Adoma
#1ty añara ty vilombeja’e raike:
Ze nampitokiañe i Daniela ty ti-hoeke:
"Naho modo i hafitoañe enempolo roe’ambiy
Le haito i Niorizañey, vaho ho poi’e."#2
Masiñe amo mpiantoke i Jesosio i hatae ajaley:
Fa nampisaontsiañe i Paoly ty ti-hoe:
"F’amako, sondo’e aman’Añahare tsy irengeako
naho tsy ami’ty hatae ajale’ i Jesosy Kristy Andriatompoko."#3
Ami’ty Hebreo le tao () ty soritse tsitso’e
Saren-katae ajale re, le i fañeferañey.
I hatae ajaley i Jesosiy ty mañefeste i fañiahan-taoñey
Nahaheneke i havelo’e, “Fonitse zay” hoe i fañitoza’ey.
Ao ka ty nisarea’ o nte Egyptao ty vilom-beja toa:
Liona mitolike amboho’e, mañaka-lela fa limpoa.
Tsy ia naho tsy i Liona i Joda ‘ni-zay,
Ie nasampe amy hatae ajaley zay.
‘Maran-drano o ahoo.’#4 hoe i Liona eroañey
Nisarea’iareo ampela manjotso rano ama’E,
Le ty ti-hoeke ty sinoratse amy Boke masiñey:
“Nisy vatavo tipetipe vinegetse nidoñe ey,
Linipo’iereo vinegetse i vorendriakey,
Tsinoboke am-bararata re vaho najoñ’ am-palie’Ey.
F’ie tsinope’ i Jesosy i vinegetsey le nanao ty hoe :
'Fonitse zay !' Naboko’E ty añ-ambone’E, le rofotse i arofo’Ey."#5
Mbe pinate’ o nte Egyptao ty hoe Rano Midoadoañe:
Toe tsy rano zay fa hoe ty sinora’ i Davida haehae’e añe :
"Nadoañe hoe rano raho, Vitsoke iaby ze o taolako zoo ;
Hoe karafo tantele ty foko, le mitranake añovako ao.
Mipike hoe sila-balañe tane ty haozako,
Le mipiteke ami’ty valañorako ty lelako ;
Fa nente’O mb’amo lembo-kavilasio mb’eo Raho."#6
F’ie ko mihontoke nahareo amy havilasiy,
SERA ty añara i lionay, le hoe zao ty dika’e :
Firebahañe ami’ty aly bey. Ho tendreke ‘nio i firebahañey :
"Ndra t’ie mitsake ty goledon-talinjo i havilasiy."#7
#1 Adom: Ty Fañitoañe (Hebreo)
#2 Dan. 9.26
#3 Gal 6.14
#4 Jao 19.28
#5 Jao 19.29-30
#6 Beko 11.14,15
#7 Beko 23.4a